Bill Gates ប្រាប់ច្បាប់ជីវិតទាំង ១០ គ្មានគ្រូណាបង្រៀនយើងឱ្យដឹងទេ នៅ.........

Bill Gates ប្រាប់ច្បាប់ជីវិតទាំង ១០ គ្មានគ្រូណាបង្រៀនយើងឱ្យដឹងទេ នៅសាលា!

លោក Bill Gates ធ្លាប់បានថ្លែងនៅសាលាវិទ្យាល័យមួយអំពីច្បាប់ជីវិតទាំង ១០ ដែលគ្រូពួកគេមិនបានបង្រៀននោះឡើយ។

១. ជីវិតគ្មានយុត្តិធម៌ទេ រៀនទទួលយកវា រស់នៅឱ្យស៊ាំជាមួយវា!

២. ពិភពលោកនេះមិនខ្វល់ពីមនុស្សដែលលើកសរសើរខ្លួនឯងទេ។ ពិភពលោកនេះរំពឹងមនុស្សនឹងសម្រេចអ្វីមួយបានជាមុនសិន មុននឹងពួកគេមានអារម្មណ៍ល្អអំពីខ្លួនឯង។

៣. អ្នកនឹងមិនអាចរកលុយបាន ៦០.០០០ ដុល្លារភ្លាមក្រោយរៀនចប់វិទ្យាល័យទេ។ អ្នកក៏នឹងមិនក្លាយជាអនុប្រធានាធិបតីជាមួយរថយន្តរដ្ឋមួយគ្រឿងនោះដែរ។

៤. ប្រសិនបើអ្នកគិតថា គ្រូបង្រៀនរបស់អ្នកតឹងតែង រង់ចាំពេលធ្វើការឱ្យថៅកែណាម្នាក់សិនទៅដឹងហើយ។

៥. ប្រសិនបើជីវិតអ្នកក្លាយជាចោលម្សៀត វាមិនមែនជាកំហុសឪពុកម្តាយទេ ប៉ុន្តែវាជាកំហុសរបស់អ្នក ដូច្នេះត្រូវរៀនសូត្រពីកំហុសខ្លួនឯង ដើម្បីកែលម្អឡើងវិញ។

៦. មុនពេលអ្នកកើតមក ឪពុកម្តាយមិនដែលនឿយហត់ដូចសព្វថ្ងៃទេ។ ពួកគាត់ត្រូវចេញថ្លៃទឹកភ្លើង បោកខោអាវឱ្យអ្នក និង ស្តាប់អ្នកនិយាយសរសើរខ្លួនឯង។ ដូច្នេះ មុនពេលអ្នកកម្ចាត់ប៉ារ៉ាស៊ីតចេញពីព្រៃឈើដើម្បីការពារឈើសម្រាប់មនុស្សជំនាន់ក្រោយ ចូរព្យាយាមកម្ចាត់សត្វល្អិតចេញពីទូរដាក់ខោអាវរបស់អ្នកសិនទៅ កុំឱ្យឪពុកម្តាយមកជួយសម្អាតឱ្យទៀត។

៧. សាលារៀនរបស់អ្នកប្រហែលជាលុបបំបាត់អ្នកចាញ់អ្នកឈ្នះ ប៉ុន្តែជីវិតពិតមិនដូច្នោះទេ។ សាលាខ្លះ លែងមានការដាក់ពិន្ទុធ្លាក់ ហើយពួកគេផ្តល់ឱកាសច្រើនលើកដល់សិស្សដើម្បីរកទាល់តែឃើញចម្លើយត្រឹមត្រូវ។ នេះមិនដូចគ្នាបន្តិចសោះឡើយក្នុងជីវិតពិត។ ឱកាសល្អក្នុងជីវិតមិនងាយគេផ្តល់ឱ្យរហូតទាល់តែយើងព្រមទទួលយកវានោះទេ។

៨. ជីវិតមិនបែងចែកតាមឆមាសដូចនៅសាលាទេ។ អ្នកនឹងមិនមានថ្ងៃឈប់សម្រាកខែក្តៅឡើយ ហើយថៅកែអ្នកក៏មិនចាប់អារម្មណ៍ជួយអ្នករកពេលសម្រាកឱ្យអ្នកនោះដែរ។ រកពេលសម្រាកដោយខ្លួនឯង។

៩. ទូរទស្សន៍មិនឆ្លុះបញ្ចាំងពីជីវិតពិតទេ។ ក្នុងជីវិតពិត មនុស្សត្រូវចេញពីហាងកាហ្វេ រួចទៅរកការងារធ្វើ។

១០. គួរធ្វើល្អដាក់មនុស្សមោកមឹះៗ ថ្ងៃណាមួយអ្នកនឹងធ្វើការឱ្យពួកគេជាមិនខាន៕

CAMBO BUSINESS

Header Ads

Bill Gates ប្រាប់ច្បាប់ជីវិតទាំង ១០ គ្មានគ្រូណាបង្រៀនយើងឱ្យដឹងទេ នៅ.........